Jan 012002
Ihunghong ko sa kawayan nga bungol
Ang kapait nga gibati ko.
Ipakita ko sa bulan nga buta
Ang kahidlaw nga gipas-an ko.
Wala’y laing nasayod
Niining tanan kondili ako.
Apan gisinggit sa hangin ang akong kaalaut;
Gi-awit sa gangis ang honi nga masulub-on;
Gibu-bo sa balod diha sa lapyahan
Ang mga luha sa dughang naghilak.
Abi ko ba’g wa’ay naminaw sa mga bakho
Niining gisi nga kalag ko.
Abi ko ba’g wa’ay namati sa mga inagulo
Niining tawong nag-awas ang kasubo.
Namati silang tanan
Gawas kanimo, nga nahikalimot kanako.
Ipaambit kini! (Share this!)
9
Haring Wati
Haring Wati (King Earthworm) is the idiosyncratic and eccentric king of Saksaksinagol.com, but before anything else, he is many things rolled into one. He writes for pleasure and incidentally makes a living out of it. He is die-hard Cebuano. He is also known as Elmer Montejo.