Jan 012002
Isdang dimalason, bulahan ikaw!
Unsaon ta man, nabihag ka sa laang
Sa ginansilyong nylon nga pukot
Nga gitaktak sa nangadlawong mangingisda.
Unsaon ta man, nabihag ka sa laang
Sa ginansilyong nylon nga pukot
Nga gitaktak sa nangadlawong mangingisda.
Isdang bulahan, ikaw gidimalas!
Nagkisikisi, naghiyud-hiyod ka’ng
Gipareglahan, ug dayag nga gihuboan
Sa sinina mo’ng pilak.
Isdang palaran, isdang nagtinga,
Bisan ang gahum sa Magbubuhat
Wala mopugong sa lantip nga kutsilyong
Mitagud-tagod, mihiwa sa imong lawas.
Isdang alaut, hinungdan sa among pagmaya—
Ganina lang gatadlas-tadlas ka sa kaparatan.
Apan dimalas sa tanang dimalas,
Naglangoy ka na sa suka.
Isdang pinili, isdang napukan,
Ang imong dimalas nakabusdik sa among tiyan,
Gi-antus, gikilaw mo ang kasakit,
Ug ikaw among gikilaw.
Photo credit: “Kinilaw” (http://www.flickr.com/photos/cobrapick/986131239/)
Ipaambit kini! (Share this!)
50
Haring Wati
Haring Wati (King Earthworm) is the idiosyncratic and eccentric king of Saksaksinagol.com, but before anything else, he is many things rolled into one. He writes for pleasure and incidentally makes a living out of it. He is die-hard Cebuano. He is also known as Elmer Montejo.