Maayung pag-abut ug dayun nganhi niining tingbanan sa akung mga hinubad!

Kay lagi lumad man ku nga Sugbuanun ug gimahal ku man pag-ayu ang akung namat-ang dila, madilaabun ang kasibut ku nga manghubad ug mga balasahun, labi na kadtung walay hubad nga Sinugbuanun.

Magdugang ku ug mga bag-ung hubad matag karun ug unya — kana kun may igung panahun, kalagsik sa pangisip, ug kalig-un sa lawas. Dyus ray mag-igu. Busa, palihug, balik-balik puhun ug ayaw katagam.

Hinaut kahimut-an mu kining kabus kung tampu sa pagpanalipud sa pinulungan ta ug madasig ka sa paglituk sa lumad natung dila adlaw-adlaw.