(Lauds / Morning Prayer)
Sa Duminggu sa Pagkabanhaw kanunay ampuun ang Pagpangdapit (Invitatory) sa dili pa magsugud sa Tulumanun sa Sayung Kabuntagun.
Pagpangdapit
Sinugdanan
Ginuu, ✠ buksan mu ang akung mga ngabil.
Ug ang akung baba magamantala sa imung pagdayig.
Ang Ginuu nabanhaw, aliluya.
Salmu 95
Ang Ginuu nabanhaw, aliluya.
Ang Ginuu nabanhaw, aliluya.
ang panun nga iyang giamuma.
Ang Ginuu nabanhaw, aliluya.
“Ayaw pagahia ang inyung ulu sama sa inyung katigulangan didtu sa Meriba
Ang Ginuu nabanhaw, aliluya.
Nagdumili sila pagtuman sa akong mga sugu!’
sa yuta nga akung papahulayan kaninyu.’ ”
Ang Ginuu nabanhaw, aliluya.
Ang Ginuu nabanhaw, aliluya.
Awit-Pagdayig (Imnu)
Ang imnu (awit-pagdayig) sa ubus usa ka litiral nga hubad sa “Auróra Lucis Rútilat,” ang gitakda nga imnu alang sa Tulumanun sa Sayung Kabuntagun sa Duminggu sa Pagkabanhaw sa Ginuu.
Naggilaw sa kapula ang hayag sa kaadlawun,
sa langit ang mga awit sa pagdayig malanugun,
masadyaung nagsaulug ang kalibutan,
ug nag-agulu ang impirnu’ng sa paglaum nakabsan,
sa dihang ang Hari’ng labing gamhanan,
sa pagkapusgay sa gahum sa kamatayun,
ang impirnu sa iyang mga tiil giyatakan,
sa ilang mga talikala ang mga alaut gibuhian.
Siya nga gilukuban ug batu,
nga sa sundalu’ng abtik gibantayan pag-ayu,
nabanhaw karun, sa halangdung pasundayag inubanan,
usa ka nagmadaugun gikan sa lubnganan.
Karun nga napalung na dinha sa impirnu
ang tanang mga agulu ug tanang mga kasakit,
kay nabanhaw na man gayud ang Ginuu,
ang anghil nga masilakun kusug nga misinggit.
Magmatunhay’ng kasadya ka sa mga salabutan
ay! Jesus, kalipay sa Pasku sa Kabanhawan,
ug kami nga mga nabuhi pag-usab sa grasya
sa imung mga kadaugan paubana.
Maimu, Ginuung Jesus, ang kahimayaan,
ikaw nga misanag sa pagdaug mu sa kamatayun,
uban sa makabuhi nga Ispiritu ug sa Amahan,
sa kanunay hangtud sa mga katuigang dayun. Amin.
Pag-awit sa mga Salmu (Salmudiya)
Ang himaya ni Cristo nga nabanhaw gikan sa mga minatay midan-ag sa katawhan nga gitubus sa iyang dugu, aliluya.
Salmu 63:2-9
ug sa tibuuk gabii ikaw ang akung gihunahuna,
Ang himaya ni Cristo nga nabanhaw gikan sa mga minatay midan-ag sa katawhan nga gitubus sa iyang dugu, aliluya.
Ang atung Manunubus nabanhaw na gikan sa lubnganan; awitan ta ug awit sa pagdayig ang Ginuu nga atung Dyus, aliluya.
Awit 1:35-66,34 (Daniel 3:57-88,56)
Tapus niining awit, dili ampuun ang Glória Patri (Himaya sa Amahan).
Ang atung Manunubus nabanhaw na gikan sa lubnganan; awitan ta ug awit sa pagdayig ang Ginuu nga atung Dyus, aliluya.
Aliluya, ang Ginuu nabanhaw sumala sa iyang gisaad, aliluya.
Salmu 149
Aliluya, ang Ginuu nabanhaw sumala sa iyang gisaad, aliluya.
Tudling-Tubag (Rispunsuryu)
Ang musunud nga antipuna ang litukun inay ang Rispunsuryu (Tudling-Tubag):
Kini ang adlaw nga gihimu sa Ginuu; maglipay ug magmaya kita, aliluya.
Awit Gikan sa Ibanghilyu
Sayu kaayu sa buntag liwas sa Sabadu, sa bag-u pa lang musilang ang adlaw, nangadtu sila sa lubnganan, aliluya.
Ang Awit ni Zacarias (Benedictus)
Lucas 1:68-79
ug paghatag kanilag kagawasan.
nga luwasun kita niya gikan sa atung mga kaaway,
ang masanagung banagbanag sa atung kaluwasan
Sayu kaayu sa buntag liwas sa Sabadu, sa bag-u pa lang musilang ang adlaw, nangadtu sila sa lubnganan, aliluya.
Mga Pangamuyu
Si Cristo ang Ginuu sa kinabuhi, gibanhaw sa Amahan, ug sa ingun iya sab kita’ng banhawun pinaagi sa iyang gahum. Mag-ampu kita kaniya ug muingun kita:
Ginuung Jesus, ang kahayag nga misanag sa kangitngit, gitultulan mu ang imung katawhan paingun sa kinabuhi ug ang amung mamatay nga tawhanung kinaiya gigasahan mu ug kabalaan,
unta gamitun namu kining tibuuk adlawa sa pagdayig sa imung himaya.
(Cristo nga amung kinabuhi, luwasa kami.)
Ginuu, gilaktan mu ang dalan sa pag-antus ug kamatayun,
unta mag-antus ug mamatay sab kami uban kanimu ug mabanhaw arun muambit sa imung himaya.
(Cristo nga amung kinabuhi, luwasa kami.)
Anak sa Amahan, amung magtutudlu ug igsuun, gihimu mu kaming gingharian sa mga pari alang sa amung Dyus,
makahalad unta kami kanimu ug malipayung sakripisyu sa pagdayig.
(Cristo nga amung kinabuhi, luwasa kami.)
Hari sa himaya, naglaum kami sa dakung adlaw sa imung pagbalik nga mahimayaun,
arun makaatubang na kami sa imung panagway ug mahisama kami kanimu.
(Cristo nga amung kinabuhi, luwasa kami.)
Ang Pag-ampu sa Ginuu (Pater Noster)
(Ug karun, arun pagtuman sa gisugu sa atung Ginuung Jesucristo, mangahas kita sa pag-ingun:)
Amahan namu nga anaa sa mga langit,
pagdaygun ang imung ngalan,
umabut kanamu ang imung gingharian,
matuman ang imung pagbuut
dinhi sa yuta maingun sa langit.
Ang kalan-un namu sa matag adlaw
ihatag kanamu karun adlawa,
ug pasaylua kami sa amung mga sala
ingun nga nagapasaylu kami sa mga nakasala kanamu,
ug dili mu kami itugyan sa panulay
hinunua luwasa kami sa dautan.
Pater noster, qui es in cælis:
sanctificétur nomen tuum;
advéniat regnum tuum;
fiat volúntas tua, sicut in cælo, et in terra.
Panem nostrum cotidiánum da nobis hódie;
et dimítte nobis débita nostra,
sicut et nos dimíttimus debitóribus nostris;
et ne nos indúcas in tentatiónem;
sed líbera nos a malo.
Katapusang Pag-ampu
Ay! Dyus, nga niining adlawa,
pinaagi sa imung Bugtung Anak,
mibuntug sa kamatayun
ug mihikyad alang kanamu sa agianan paingun sa kinabuhing tunhay,
itugut, nangamuyu kami, nga kami nga nanagsaulug
sa balaang pangilin sa Pagkabanhaw sa Ginuu,
unta, pinaagi sa kabag-uhan nga dala sa imung Ispiritu,
mabanhaw sa kahayag sa kinabuhi.
Pinaagi sa amung Ginuung Jesucristo, imung Anak,
nga buhi ug naghari uban kanimu,
diha sa panaghiusa sa Ispiritu Santu,
Dyus, hangtud sa kahangturan.
Amin.
Pagtapus
Kun pari kundili ba kaha diyakunu ang nangulu sa Tulumanun, pabiyaun niya ang katawhan sa pag-ingun:
Ang Ginuu maanaa kaninyu.
Maanaa sab kanimu.
Manalangin kaninyu ang Dyus nga makagagahum sa tanan, ang Amahan, ✠ ug ang Anak, ug ang Ispiritu Santu.
Amin.
Mahimu sab nga laing panalangin gikan sa Misa ang gamitun. Unya, mudugang siya:
Panglakaw kamu sa kalinaw, (aliluya, aliluya).
Salamat sa Dyus, (aliluya, aliluya).
Kun walay pari ni diyakunu, kundili ba kaha sa inusarang pag-ampu, tapusun ang Tulumanun sa pag-ingun:
Panalanginan ✠ unta kita sa Dyus, panalipdan kita gikan sa kadautan, ug dad-un kita ngadtu sa kinabuhing dayun.
Amin.
Kining hubad Sinugbuanun ni Elmer Montejo pinasubay sa The Divine Office: The Liturgy of the Hours
(© 1974, 2023 International Commission on English in the Liturgy Corporation, all rights reserved).
Ang hubad sa Oratio (Katapusang Pag-ampu) pinasubay sa The Roman Missal (third typical edition, © 2010,
International Commission on English in the Liturgy Corporation, all rights reserved) ug ang hubad sa “Te Deum”
pinasubay sa kinabag-uhan ug aprubadung hubad Ininglis niini niadtong tuig 2020. Ang mga Salmu, unud sa Unang Pagbasa,
ug pipila ka mubu nga mga tudling sa Ikaduhang Pagbasa dili iya sa taghubad apan kinutlu sa Maayong Balita Biblia (Adunay Deuterocanon),
© 1999 Philippine Bible Society, ug gihulad, sama sa ubang bahin, sa gipasayung panitik (simplified spelling).
Kinaulahiang pag-usab: Abril 19, 2025.
Unang paghubad: Abril 17, 2025.
If you like my work and want to say thanks — buy me a coffee! If you find my work useful and want to encourage me to keep going — buy me a coffee!
Any amount that you happily and willingly share supports my work and inspires a Cebuano writer and language advocate like me to work even harder.
If you’re in the Philippines, buy me a coffee via the following channels (scan the QR coode with your GCash, GoTyme, or banking app):
Or, if you're elsewhere, click/tap the button below and buy me a coffee using your credit card, Apple Pay, or Google Pay:
Please let me thank you, too, for giving to my coffee fund! After sending your support, contact me right away so that I can inscribe your name on Manuy Em’s Great Wall of Gratitude.