MacArthur Park
Hubad kini nga Sinugbuanun ni Elmer Montejo sa awit kinaraan nga “MacArthur Park” nga gisulat ni Jimmy Webb ug giawit ni Richard Harris niadtung tuig 1967. May birsyun nga pang-disco sab niini si Donna Summer kaniadtung 1978. May dugang kasayuran sa Wikipedia mahitungud niining awita.
Kun kamau ka sa awit, kining akung hubad mahimung ipatunung sa urihinal nga huni ni Harris. Gilakip naku sa ubus ang bidyu sa YouTube sa urihinal nga awit ni Harris. Kalingawi ninyu’g kanta.
Kinaulahiang pag-usab: Pibriru 8, 2025.
Unang paghubad: Pibriru 8, 2025.
Wa ta kaabut sa tingpamulak, Day,
Nag-una siya’g dagan
Samtang nanayaw ta
Taliwa’s mga panid ug gipiit
Sa makapasu’ng plantsa sa gugma,
Daw karsunis binadlisan.
Sa ngitngit natunaw ang MacArthur Park,
Lunhaw’g tam-is nga icing nalanay tanan.
May nagbiya sa cake ilaw’m sa ulan.
Di ku kini mahimung antusun
Kay dugay baya ni’ng lutuun,
Ug ang risipi mahanaw sa dayun.
Ayaw!
Nahinumdum ku sa bisti mu’ng dalág
Nga nagbaludbalud
Sa sawug mu’ng giludhan,
Mga langgam gisapnay mu’ng daw masusu,
Ug mga tigulang laki nagdama
Sa may kakahuyan.
Sa ngitngit natunaw ang MacArthur Park,
Lunhaw’g tam-is nga icing nalanay tanan.
May nagbiya sa cake ilaw’m sa ulan.
Di ku kini mahimung antusun
Kay dugay baya ni’ng lutuun,
Ug ang risipi mahanaw sa dayun.
Ayaw!
May muabut akung bag-ung huni
Kay awitun ku kini.
May muabut akung bag-ung panganti,
May muhatud niini.
Imnun ku’ng alak samtang init pa
Ug dili magpasakup nga nagtutuk sa adlaw.
Ug, sa kadaghang mga pinangga ku,
sa kadaghang mga pinangga ku,
Ikaw ra ang tunay.
Kuptan ku’ng akung kinabuhi ug hatagan kini’g bili.
Dag-un ku ang ilang pagtahud ug mawad-an ku ni’ni.
Maangkun ku’ng mga panganduy ku.
Ang pagbati ku muagay daw mga suba sa langit.
Ug, sa kadaghang mga pinangga ku,
Ay! sa kadaghang mga pinangga ku,
Ika’y hunahunaun ku,
Ug mangutana’g nganu?
Sa ngitngit natunaw ang MacArthur Park,
Lunhaw’g tam-is nga icing nalanay tanan.
May nagbiya sa cake ilaw’m sa ulan.
Di ku kini mahimung antusun
Kay dugay baya ni’ng lutuun,
Ug ang risipi mahanaw sa dayun.
Ayaw!
Ay, ayaw!
Ayaw!
If you like my work and want to say thanks — buy me a coffee! If you find my work useful and want to encourage me to keep going — buy me a coffee!
Any amount that you happily and willingly share supports my work and inspires a Cebuano writer and language advocate like me to work even harder.
If you’re in the Philippines, buy me a coffee via the following channels (scan the QR coode with your GCash, GoTyme, or banking app):
Or, if you're elsewhere, click/tap the button below and buy me a coffee using your credit card, Apple Pay, or Google Pay:
Please let me thank you, too, for giving to my coffee fund! After sending your support, contact me right away so that I can inscribe your name on Manuy Em’s Great Wall of Gratitude.