Pag-ampu Alang sa Panagdait
Gi-Sinugbuanun ni Elmer Montejo gikan sa Ininglis nga hubad sa “Belle prière à faire pendant la Messe,” usa ka Prinansis u French nga pag-ampu. Si San Franciso de Asis ang kasagaran nila pasanginlan nga nagsulat niini (apan dili diay siya).
Kinaulahiang pag-usab: Nubimbri 6, 2024.
Unang paghubad: Uktubri 1, 2024.
Dugang kasayuran: “Prayer of Saint Francis” sa Wikipedia.
Ginuu, himua akung agianan sa imung panagdait.
Papugasa aku’g gugma diin mihari ang pagdumut,
Pasaylu diin milabaw ang pagpangdagmal,
Panaghiuli diin mihiwa ang panagbangi,
Kamatuuran diin milabung ang kasaypanan,
Pagtuu diin mikatap ang kalibug,
Paglaum diin mitugub ang kaalaut,
Kahayag diin mibukut ang kangitngit,
Pagmaya diin mipasulabi ang kaguul.
Ginuu, ayaw itugut nga palabihun ku
nga mahupay inay muhupay,
nga masabtan inay musabut,
nga panggaun inay mupangga,
kay sa pagpanghatag aku makadawat,
sa pagtalikud sa kaugalingun aku makadangat,
sa pagpasaylu aku mapasaylu,
sa pagkamatay aku pukawun ngadtu sa kinabuhing tunhay.
If you like my work and want to say thanks — buy me a coffee! If you find my work useful and want to encourage me to keep going — buy me a coffee!
Any amount that you happily and willingly share supports my work and inspires a Cebuano writer and language advocate like me to work even harder.
If you’re in the Philippines, buy me a coffee via the following channels (scan the QR coode with your GCash, GoTyme, or banking app):
Or, if you're elsewhere, click/tap the button below and buy me a coffee using your credit card, Apple Pay, or Google Pay:
Please let me thank you, too, for giving to my coffee fund! After sending your support, contact me right away so that I can inscribe your name on Manuy Em’s Great Wall of Gratitude.