Dali, Umanhi Ka, ay! Emmanuel

Hubad Sinugbuanun kini ni Elmer Montejo sa imnu (awit-pagdayig u hymn) nga “Veni, Veni, Emmanuel (O Come, O Come, Emmanuel).” Ang Linatin nga birsyun niini usa ka paglaktud (synthesis) sa mga antipuna sa Magnificat sa Vespers / Evening Prayer (Pag-ampu sa Pagkakilumkilum) sa matag adlaw gikan sa Disimbri 17 hangtud Disimbri 23.

Kining akung hubad gipasubay sa Linatin nga birsyun agi sa Ininglis nga hubad nila ni T. Helmore (1811-1890), J. M. Neale (1818-1866), ug uban pa.

Usa kini ka garaynung hubad (poetic translation), apan ang ihap sa mga silaba gipahaum naku sa ihap sa nuta, dili sa sukud sa Linatin nga 8.8.8.8 (i.e., 8 ka silaba matag linya). Sa atu pa, 10.10.9.10 ang sukud sa matag tudling sa akung hubad kay kini man ang ihap sa mga nuta sa miludiya.

Laktud nga pagkasulti, ang akung hinubad mahimung awitun sibu sa naandang tunu niining awita.

Himuan ku pa unta kini ug vidyuki, apan nahutdan ku ug panahun. Basin sa sunud puhun. Pasinsya kaayu. Hinaut di mu mangluud.

Kinaulahiang pag-usab: Disimbri 16, 2024.
Unang paghubad: Nubimbri 29, 2024.

Disimbri 17

Umanhi ka, dali, Kinaadman,

kansang gahum naghan-ay sa tanan,

kami sa dalan tudluan mu,

sa kaalam ug sa kahibalu.

Pagsadya, paglipay, ang Emmanuel

kanimu muabut, ay! Israel.

O come, Thou Wisdom from on high,

who ord’rest all things mightily;

to us the path of knowledge show,

and teach us in her ways to go.

Rejoice! Rejoice! Emmanuel

shall come to thee, O Israel.

Disimbri 18

Umanhi ka, Ginuu, Adonai,

kansang katawhan, didtu sa Sinai,

sa balaud mu gihatagan

ilaw’m sa imung kahimayaan.

Pagsadya, paglipay, ang Emmanuel

kanimu muabut, ay! Israel.

O come, O come, Thou Lord of might,

who to Thy tribes on Sinai’s height

in ancient times once gave the law

in cloud and majesty and awe.

Rejoice! Rejoice! Emmanuel

shall come to thee, O Israel.

Disimbri 19

Dali, saha sa tuud ni Jesse,

sa tanang kaaway panalipdi,

ang imung katawhan haw-asa,

sa bung-aw sa impirnu luwasa.

Pagsadya, paglipay, ang Emmanuel

kanimu muabut, ay! Israel.

O come, Thou Rod of Jesse’s stem,

from every foe deliver them

that trust Thy mighty pow’r to save,

and give them vict’ry o’er the grave.

Rejoice! Rejoice! Emmanuel

shall come to thee, O Israel.

Disimbri 20

Dali, Anak ni David nga Yawi,

langitnung gingharian ablihi,

ang dalan sa langit palapdi,

lutsanan sa impirnu babagi.

Pagsadya, paglipay, ang Emmanuel

kanimu muabut, ay! Israel.

O come, Thou Key of David, come,

and open wide our heav’nly home;

make safe the way that leads on high,

and close the path to misery.

Rejoice! Rejoice! Emmanuel

shall come to thee, O Israel.

Disimbri 21

Banagbanag, dali, umanhi ka,

kami sa pag-abut mu hupaya,

gabiing ngiub palagputa

ang kangitngit patibulaaga.

Pagsadya, paglipay, ang Emmanuel

kanimu muabut, ay! Israel.

O come, Thou Dayspring from on high

and cheer us by Thy drawing nigh;

disperse the gloomy clouds of night,

and death’s dark shadows put to flight.

Rejoice! Rejoice! Emmanuel

shall come to thee, O Israel.

Disimbri 22

Dali na, Hari sa kanasuran!

Dali na, Manluluwas sa tanan,

arun tubsun mu ang katawhan

nga nakaamgu sa kasal-anan.

Pagsadya, paglipay, ang Emmanuel

kanimu muabut, ay! Israel.

O come, Desire of nations, bind

in one the hearts of all mankind;

bid Thou our sad divisions cease,

and be Thyself our Prince of Peace.

Rejoice! Rejoice! Emmanuel

shall come to thee, O Israel.

Disimbri 23

Dali, umanhi ka, ay! Emmanuel

Tubsa ang nabilanggu’ng Israel,

nga nag-agulu sa kasubu

kay sa Anak sa Dyus nahilayu.

Pagsadya, paglipay, ang Emmanuel

kanimu muabut, ay! Israel.

O come, O come, Emmanuel,

and ransom captive Israel,

that mourns in lonely exile here

until the Son of God appear.

Rejoice! Rejoice! Emmanuel

shall come to thee, O Israel.

Songs, Verses, Poems, etc. Mga Hubad